Тәуелсіздіктің 30 жылдығына орай елордада автошеру өтті

Мемлекеттік рәміздер күніне орай Елордада автошеру ұйымдастырылды. Тәуелсіздіктің 30 жылдығына сәйкес 30 автокөлік қаланың басты көшелерімен 30 шақырым жолды жүріп өтті. «Жас Отан», «Жаңғыру жолы», «Жастар конгресі» бірлестіктері, «Болашақ» ассоциациясы мен «Студенттер алянсы» бірігіп, мерекенің өз деңгейінде ұлықталуына атсалысты. «Менің рәміздерім», «Менің Туым», «Менің Қазақстаным» хэштегтерімен әлеуметтік желілерде арнайы акциялар ұйымдастырылды. Әр өңірдегі жастар ұйымдары шараға қолдау көрсетіп жатыр. 

Аян Ерментаев, «Астана жастары» жастар ресурстық орталығы директорының орынбасары:
Мұндай іс-шараларды біз дәстүрлі түрде 5 жылдан бері өткізіп келеміз. Есіл, Алматы, Байқоңыр, Сарыарқа сында барлық аудандарды басып өтеміз және барынша халыққа көтеріңкі көңіл күй сыйлау үшін ұйымдастырып отырған шаралардың бірі.