Мадридте қонақ үй өртеніп, 200-ге жуық адам қауіпсіз жерге көшірілді

Испания астанасы Мадридте қонақ үй өртеніп, 200-ге жуық адам қауіпсіз жерге көшірілді. Оттың неден тұтанғаны әзірге белгісіз. Қазір оқиғаға байланысты тергеу жүріп жатыр. Құтқарушылардың мәлімдеуінше, эвакуациялау жұмыстары тәртіппен жүргізілгендіктен, ешкім зардап шеккен жоқ. «Нуево Мадрид» атты төрт жұлдызды отельде өрт кешкі сағат 19.00 шамасында басталған. Жергілікті өрт сөндіру департаментінің хабарлауынша, ғимараттың шатыры жанған, өртті сөндіруге көп уақыт кетпеді.

Арыстан Рысбек