Башар Асад төртінші мәрте Сирия президенті болды

Сирия президенті Башар Асад президенттік сайлауда 95 пайыз дауыс жинап, жеңіске жетті. Сөйтіп ол Араб Республикасын осымен төртінші рет басқарайын деп отыр. Жергілікті Парламент басшысының мәлімдеуінше, дауыс беруге электораттың 78 пайызы қатысқан. 

Он жылға созылған азаматтық соғыстан Сирияда жүздеген мың адам қаза тауып, елдің жартысы немесе 11 миллион тұрғын үйлерін тастап кетті. Бірақ, Асад үкіметінің айтуынша, бұл сайлау жағдайдың қалыпқа түсіп келе жатқанын көрсетсе керек. 

Сирия басшысының әкесі Хафез Асад 30 жылдай билік етіп, 2000 жылы дүние салды. Осы жеңістен кейін оның ұлы мемлекетке тағы 7 жыл жетекшілік етпек.

Арыстан Рысбек