Ресей Чехияның 20 дипломатын еліне қайтарады

Ресей чехтың 20 дипломатын еліне қайтаратынын жариялады. Мәскеу оларға мемлекет аумағынан кетуге бір күн уақыт берген. Айта кетсек, сенбі күні Чехия 18 ресейлік дипломатты 72 сағатта елден шығару туралы шешім қабылдады. Себебі, ресми Праганың мәлімдеуінше, олар шпиондықпен айланысып, 2014 жылы қару-жарақ қоймасында екі адамды өлтірген жарылысқа қатысты болған.  

Сонымен қатар, Чехия Руслан Боширов және Александр Петров деген екі ресейлікке іздеу салатынын хабарлады. Бұл адамдарды британ полициясы ресейлік бұрынғы агент Сергей Скрипаль мен оның қызы Юлияға жүйкені зақымдайтын умен шабуыл жасады деп айыптап отыр. Ал, осы кінәлардың бәрін жоққа шығарған Мәскеу чех үкіметінің шешімдерін «дұшпандық актісі» деп атады.

Арыстан Рысбек