Суэц каналынан 150-ден астам кеме өте алмай тұр

Суэц каналын бөгеп тастаған мега кеме күніне 9,6 миллиард доллардың тауарын тасымалдаған. Оны бір жағына сүйреп, су жолын босату үшін бірнеше апта кетуі мүмкін. Алып кеменің иесі – жапондық «Шоей Кинсен» компаниясы оқиға үшін кешірім сұрады.

Қазір осы арнадан өте алмай тұрған кемелер саны 150-ден асып кетті. Әйгілі каналға қарай әлі жүздеген танкер жүзіп бара жатыр. 

Суэц Жерорта және Қызыл теңіздерді жалғастырады. Сонымен қатар, ол Азия, Еуропа, Таяу Шығыс арасындағы ең қысқа сауда жолы саналады. Бұл канал арқылы ғаламдық тауарлардың 12 пайызы мен контейнерлердің 30 пайызы өтеді.

Арыстан Рысбек