Йемен халқына ашаршылық қаупі төніп тұр

Йеменде шиит-хуситтер мен үкімет әскері арасындағы әскери жанжал ушығып бара жатқанда, елге жаппай ашаршылық қаупі төніп отыр. Мұны Біріккен Ұлттар Ұйымының арнайы елшісі Мартин Гриффитс ескертті. 

Cоғыс кесірінен бүкіл елді аштық жайлап, 20 миллионнан астам адам шұғыл гуманитарлық көмекке зәру. Ал, елге сырттан жанармай мен азық-түлік енгізетін негізгі қақпа - Худейда порты блокададан босатылмай отыр. 

Йеменде Иранға жақтас хуситтер мен АҚШ пен Сауд Арабиясына сүйенген мемлекет армиясы 2015 жылдан бері соғысып жатыр. Содан бері жүздеген мың адам қаза тауып, 4 миллиондай тұрғын үйлерін тастап кеткен.

Арыстан Рысбек