Сириядағы соғыстың басталғанына - 10 жыл

Сириядағы соғыстың басталғанына 10 жыл толды. 2011 жылы наурызда «Араб көктемі» революцияларының толқыны осында да жетіп, елдің ірі қалаларында сан мың адам шеруге шығып, саяси реформа талап етті. Алайда, президент Башар Асад биліктен кетуден бас тартып, демонстрациялар қарулы қақтығыстарға ұласты. Кейін жанжалға Ресей, Иран, Түркия, АҚШ сияқты елдер килікті.

Қазір Сирия жермен-жексен. Жергілікті халықтың жартысы үйлерін тастап, миллиондаған тұрғын аштыққа душар болып отыр.Кейбір мәліметтерге қарағанда, соғыстан 600 мыңдай адам қаза тапты және жоғалып кеткен.

Арыстан Рысбек