Жаңалықтарды Telegram арнамыздан оқыңыз!Әлеуметтік кәсіпкерлерге көрсетілетін мемлекеттік қолдау заңмен бекітілмек. Бизнес өкілдерімен кездескен Мәулен Әшімбаев осылай деді. Заң жобасын Президенттің тапсырмасы бойынша депутаттар әзірлеген. Құжат наурыз айында Сенат қабырғасында таныстырылады. «Жалпы әлеуметтік кәсіпкерлік көптеген елде экономикаға айтарлықтай оң әсерін тигізеді. Әрі халыққа, әрі мемлекетке тиімді жобаларды барынша қолдап, дамуына мүмкіндік жасауымыз керек», - деді Сенат Төрағасы Мәулен Әшімбаев.
Мәулен Әшімбаев, ҚР Парламенті Сенатының Төрағасы:Бұл – әлеуметтік кәсіпкерлік туралы түсінік пен оның негізгі міндеттерін белгілейтін маңызды заң жобасы. Сондай-ақ, осы саланы қолдаудың нақты тетіктерін қалыптастырады. Атап айтқанда, депутаттар әлеуметтік кәсіпкерлерге салық жеңілдіктерін қарастыруды, оларға грант түрінде қаржылай қолдау көрсетуді, несиеге және мүлікті жалға алуға субсидиялар беруді ұсынып отыр. Заң жобасы еліміздегі әлеуметтік кәсіпкерлікке жүйелі қолдау көрсетуді көздейді.
Оңғар Алпысбайұлы
