Жаңалықтарды Telegram арнамыздан оқыңыз!Армения әскері бас штабының жетекшісі Оник Гаспарянды отставкаға жіберу туралы бұйрық бүгін күшіне енді. Мұны премьер-министр Никол Пашинян мәлімдеді. Үкімет басшысы оны екі апта бұрын әскери төңкеріс жасауға әрекеттенді деп қызметтен аластатқан еді. Содан кейін армияның жоғары лауазымды өкілдері шеру ұйымдастырып, Пашинянның өзінен отставкаға кетуді талап етіп жатыр.
Осындай акция өткен тәулікте Ереванда полициямен қақтығысқа ұласты. Демонстранттардың сөзінше, Пашинян Таулы Қарабақты Әзірбайжанға қайтарған бейбіт келісімге қол қойғаны үшін үкіметті басқармауы керек. Алайда, премьер Бакумен, Мәскеумен жасалған сол пәтуа үшін мойнына жауапкершілік алғанымен, орнын босатудан бас тартып отыр.
Арыстан Рысбек
