Жаңалықтарды Telegram арнамыздан оқыңыз!Елорданың бас мемлекеттік санитарлық дәрігері Сархат Бейсенова мерекелер қарсаңында қала тұрғындарына үндеу жасады.
«Мереке күндерінде қала тұрғындары мен қонақтарына карантиндік шараларды сақтау қажеттігін ескерткім келеді. Бетперде киіп, ара қашықты сақтаған жөн. Мүмкіндік болса, адамдар көп жиналатын жерлерге бармаңыздар. Бұқаралық шараларды ұйымдастыруға болмайды», - деді ол брифингте.
Деректерге сүйенсек, елордада коронавирустық инфекцияны жұқтыру көрсеткіші қаңтар айымен салыстырғанда 33,8 пайызға азайған. Бүгінде елорда «сары» аймақта тұр.
