Әлемде коронавирус жұқтырғандар 113 миллионға жақындап қалды

Әлемде коронавирус жұқтырғандар 113 миллионға жақындап, одан қайтыс болғандар 2 миллион 600 мыңнан асты. Ал, вакциналау науқаны бүгінде жер шарының 97 мемлекетінде жүргізіліп жатыр. Солардың ішінде жазғы Олимпиада өтетін Жапония да бар. Бұл елдің 6 префектурасында төтенше жағдай режимі осы айда алынып тасталады. Өйткені, оларда ковид жұқтыру оқиғалары азайып келеді.

Ал, Бразилияда коронавирустан қаза тапқандар 250 мыңнан асты. Және де осы індетке шалдыққандар қатары 10 миллионға жетіп отыр. Елдің денсаулық сақтау министрлігінің дерегінше, Бразилия қазір күніне Covid-19-дан шамамен мың адам жоғалтады.

Арыстан Рысбек