Қуыршақ театры «Макбет. Иллюзия» қойылымын сахналады

Уильям Шекспирдің кейіпкерлері алғаш рет қуыршақ бейнесінде сөйледі. Алматыдағы мемлекеттік қуыршақ театрында ересектерге арналған «Макбет. Иллюзия» қойылымы сахналанды. Құмарлықтың құлына айналған басты кейіпкер ұрпақ сүю жолында қолын қанға бояйды. Спектакльде бір отбасының тағдыры арқылы адамзатқа ортақ мәселе көрсетілген. Туындыны көптеген халықаралық фестивальдерде топ жарған Дина Жұмабаева сахналады. 

Айта кетейік, өнер ұжымы бүлдіршіндерден бөлек, ересектерге арналған бірқатар классикалық туындыларды қойып театр өнеріне тың серпін беріп келеді. 

Ақжарқын Оразәлі, Мемлекеттік қуыршақ театрының көркемдік жетекшісі:
Драмалық шығарма мен қуыршық шығармасын байланыстыра отырып, бүгінгнің тілімен айтқанда микс дейді ғой, синтез, солай жасап отырмыз.

Нұрхан Нұрланұлы