Австралияның Мельбурн қаласы карантинге жабылды

Австралияның екінші ірі қаласы – Мельбурн бүгін түнгі сағат 00.00-де 5 күндік карантинге жабылады. Үкіметтің мұндай шешім қабылдауына Виктория штатының астанасында 12 адамнан коронавирус табылуы себепші. Жаңа ережеге сәйкес, қалада адамдардың бір жерге жиналуына, топтасып мінәжат етулеріне, үйлену тойларын өткізуіне тыйым салынады. 

«Рейтер» агенттігінің дерегінше, әлем бойынша бүгін коронавирус жұқтырғандар 108 миллионға, ал одан қайтыс болғандар 2 миллион 370 мыңға таяп қалды. Және де COVID-19 диагнозы қойылғандар саны дүниежүзінің 42 елінде көбейіп келеді.

Арыстан Рысбек