Нұр-Сұлтанда карантин талабын бұзған көңіл көтеру орындары жауапқа тартылды

Елордада карантин талаптарын бұзған көңіл көтеретін орындар жауапқа тартылды. Қала әкімдігі, полиция департаменті мен санитарлық бақылау тобы арнайы рейд ұйымдастырып, бірнеше мекеменің түнгі уақытта жұмыс істеп жатқанын анықтады. Белгілі болғандай, елордадағы кафелер мен лаунч барлар шектеуге қарамастан қызмет көрсеттіп, санитарлық талаптарды бұзған.

Ал бас санитар қаладағы мұндай орындардың жұмысы тек түнгі 23:00-ге дейін жалғасуы тиіс деген еді. Оның үстіне келушілер тыйым салынғанына қарамастан, кальян шегіп отырғанын көруге болады. Енді көңіл көтеру орнының иелері талапқа бағынбағаны үшін 700 000 теңгеге жуық айыппұл төлеуіне тура келеді.

Оңғар Алпысбайұлы