Францияда ертең 117 жасқа толатын әйел коронавирустан аман қалды. Еуропаның ең қарт адамы Люсиль Рэндонға Covid-19 диагнозы қаңтардың 16-да қойылған. Қауіпті инфекцияның симптомсыз түрін жұқтырған монахиня содан кейін өзгелерден моқшауланды. «Өлуден қорықпағандықтан, вирустан да қорықпадым», - дейді Рэндон.
Ал, Жапонияда халықты вакциналау науқаны келесі аптаның ортасында басталады. Мұны бүгін осы елдің премьер-министрі Ёсихидэ Суга үкімет отырысында мәлімдеді.
Айта кетсек, бұған дейін Жапония өзінің 126 миллион тұрғыны үшін «Файзер», «Модерна», «Астра-Зенека» вакциналарының 314 миллион данасына тапсырыс берген.
«Рейтердің» мәліметінше, бүгін планета бойынша «ковид» жұқтырғандар 107 миллионға, ал одан қайтыс болғандар 2 миллион 340 мыңға жақындап қалды.
Арыстан Рысбек
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Францияда 117 жасқа толатын әжей туған күні қарсаңында коронавирусты жеңді&mh_tags=Qazaqstan&mh_page=https://qazaqstan.tv/news/137021/)