Өткен тәулікте 1003 адам індетке шалдыққан

Нұр-Сұлтан қаласы «қызыл» аймаққа қайта оралды. Өткен тәулікте шаһарда 75 адамнан коронавирус анықталды.

Ұлттық қоғамдық денсаулық сақтау орталығының мәліметіне сәйкес елордамен қатар Ақмола, Павлодар облыстары «қызыл» аймақта тұр. Ал «сары» аймақта Солтүстік Қазақстан, Батыс Қазақстан, Атырау, Қостанай облыстары бар. Қалған өңірлер «жасыл» аймақта. Жалпы, Қазақстан коронавирустың таралу көрсеткіші бойынша «жасыл» аймақта тұр.

Вирустың таралуына келсек, кеше бір күнде 1003 адам індетке шалдығып, 850-ге жуық адам аурудан жазылып шыққан. Сондай-ақ, 18 адамнан вирусты пневмония анықталып, бір күнде 5 науқас қайтыс болды. Жалпы қазіргі уақытта елімізде 27 мыңнан астам адам ковидтан емделіп жатыр.

Шерхан Жамбылұлы