Мьянмада мемлекеттік төңкеріске қарсы шерулер өтіп жатыр

Мьянмада мемлекеттік төңкеріске қарсы шерулер кеңейіп келеді. Соңғы мәліметке қарағанда, елдің ең ірі қаласы Янгон мен астанасы Нейпьидода көшелерге ондаған мың адам шықты. Оларды тарату үшін полицейлер су шашатын машиналарды қолданып жатыр. 

Айта кетсек, Мьянманың Аун Сан Су Чжи бастаған үкіметі ақпанның 1-де құлатылып, билікке қайтадан әскери хунта келді. Демонстранттар қазір бұрынғы демократиялық билікті қалпына келтіруді талап етіп жатыр.

Арыстан Рысбек