Жаңалықтарды Telegram арнамыздан оқыңыз!Жамбыл облысында қоянды заңсыз қырған браконьерлер ұсталды. «Сапсан» мамандандырылған жедел қызметінің инспекторлары таңға жуық күдікті көрінген көлікті тоқтатқан. Тексеру кезінде ішінен 21 қоян және екі мылтық, оқ-дәрі табылды. Қолға түскен үш адам Байзақ ауданының тұрғындары болып шықты. Олар құжаттарды тексеру кезінде маусымдық жолдама көрсетіп жауапкершіліктен жалтармақ болған. Алайда инспекторлар рұқсат қағаздағы шикілікті байқап, заңсыз әрекетті әшкереледі. Тергеу жалғасып жатыр.
