Өскемен маңында медқызметкерлер мінген ұшақ шұғыл қонуға мәжбүр болды

8 ақпанда Өскемен-Зайсан бағытында АКЗ1222 санитарлық рейсімен ұшып шыққан Ан-2 ұшағын қайта қондыруға мәжбүр болды. Өйткені ұшқыш әуе кемесінің қозғалтқышының істен шыққанын хабарлаған. Бұл туралы Индустрия және инфрақұрылымдық даму министрлігінің баспасөз қызметі хабарлады.

Бортта 3 экипаж мүшесі және екі медицина қызметкері болған.

«Ұшақ Өскемен қаласынан оңтүстікке қарай 23 шақырым жердегі автомобиль жолына мәжбүрлі түрде қонды. Зардап шеккендер жоқ», - делінген хабарламада.