Жаңалықтарды Telegram арнамыздан оқыңыз!Қарағандылық кәсіпорынның Қытайға 120 тоннадан астам темір рудасын заңсыз сатқаны белгілі болды. Бұл туралы Қаржы мониторингі агенттігінің баспасөз қызметі хабарлады.
«2021 жылдың қаңтар айында Қарағанды облысында облыс аумағында тиісті рұқсат құжаттарынсыз темір кенін өндіру дерегінің жолы кесілді.
2016-2017 жылдар аралығында облыстағы коммерциялық кәсіпорындардың бірі 128 тоннадан астам темір кенін өндіріп, үлестес компания арқылы ҚХР-на өткізген. Бұл ретте сомасы 1,1 млрд теңге болатын пайда тапқан», - делінген хабарламада.
Аталған дерек бойынша ҚР ҚК 214-бабына сәйкес сотқа дейінгі тергеу жүріп жатыр.
