Жаңалықтарды Telegram арнамыздан оқыңыз!Бүгін Шымкентте жолаушылар тасымалымен айналысатын «Symkentbus» компаниясының 500-ден астам жүргізушісі мен кондукторлар наразылық танытып, жұмысқа шықпай қойды. Соның салдарынан 14 бағыт бойынша 250-ден артық автобус жолаушыларға қызмет көрсеткен жоқ.
Автопарк алдына таңғы 5.00-6.00 шамасында жиналаған олар түске дейін тарамады. Компания қызметкерлері ең алдымен жалақының аздығына шағымданды. Айына орта есеппен 110-120 мың теңге жалақы алып келген жүргізушілер, күніне 15-16 сағатқа дейін жұмыс істеуге мәжбүр. Сондай-ақ, компания жанар-жағармай мен көлікті кешкісін жуып-тазалауға кететін шығынды да біздің мойнымызға артып қойды деп ашынады. Жүргізушілердің жағдайы былтыр күзде «Төлем» электронды жүйесі енгізілгелі тіпті қиындап кеткен.
Серік Назымбеков, автобус жүргізушісі:
Бірінші кезекте жүргізушілердің жағдайын жасап берсін. Айылығымызды көбейтсін және кондукторларға жеке айлық берсін.
Мұрат Әйтенов, Шымкент қаласының әкімі:
Мен сендерге шынын айтайын, қазір шықпаған жағдайда басқа да әрекеттер жасаймыз. Бұдан ешкім ұтпайды. Сіздер де, біздер де. Кешке келемін сіздерге. Барлық сөзге сол жерде нүкте қоямыз.
