Сотта ақталған ақтөбелік шенеунік мемлекеттен 5 млн теңге өндіріп алды

Ақтөбе облысында аудан әкімінің орынбасары мемлекеттен 5 миллион теңге өндіріп алды. Мұғалжар ауданында басшылық қызмет атқарып жүрген Ғалым Қобыландин 2 жыл бұрын «Қызметін асыра пайдаланды» деген күдікке ілінген болатын. Тергеу мәліметтеріне сай, оған ҰБТ кезінде ауданға келетін комиссияны қарсы алу үшін мектеп директорларынан ақша жинады деген айып тағылған. Қобыландин төрт айын тергеу изоляторында өткізді әрі бір жыл үш айға жуық қызметінен шеттетілді. Алайда сот оны ақтап шықты. Сондай-ақ, мемлекеттен 15 айдағы жалақысы мен бір жарым миллион теңге моральдық шығынын өндіріп алуға үкім шығарған.

Жақсыбек Кемал