Ақмола облысында күн сайын 200-ден астам адамнан коронавирус анықталуда

Ақмола облысында соңғы аптада бір жарым мыңға жуық адам ауру жұқтырған. Күн сайын 200-ден астам тұрғыннан вирус анықталуда. Әсіресе, Көкшетаудағы жағдай қиын. Сондықтан демалыс күндері ірі сауда орындарының жұмыс істеуіне тыйым салынды. Емханалардағы науқастар да көбеюде. Облыстағы ауруханаларда 700-ге жуық адам ем қабылдап жатыр. Қаңтар айында өңірде 5 адам инфекциядан көз жұмды.

Ермек Елберген