Семейде бетпердесіз суретке түскен депутаттарға айыппұл салынды

Семейде қалалық мәслихат депутаттарына санитарлық нормаларды сақтамағаны үшін айыппұл салынды. Санитарлық-эпидемиологиялық бақылау басқармасы басшысының мәліметі бойынша, шу тудырған фотосуреттегі әр адам 30 айлық есептік көрсеткіш көлемінде, яғни, 85 мың теңге төлеуі тиіс. Фотосуретте маскасыздар қатарында мәслихат депутаттарынан бөлек, бірнеше шенеунік, қала әкімі мен оның орынбасары да бар.