Оралда құрылыс компаниясы төсемтасты қардың үстіне салған

Ал бұл жергілікті тұрғындардың наразалығын туғызды. Оқиға желтоқсанның аяғында болған. Жауапты мамандардың мәліметінше мердігер жол мен тротуар құрылысын өз қаржысына жүргізген. Оның барысында бірқатар талаптар өрескел бұзылған. 

Гүлсана Бердіғали, қалалық ТҮКШ бөлімі автомобиль жолдары секторының бас маманы: 

-«Қазстройгарант» ЖШС бекітілген жоспарға сәйкес құрылыс-монтаж жұмыстарын аяқталмауына және келісімшартта көрсетілмеген талаптардың орындалмауына байланысты аталған нысан қолданысқа қабылданбады. Және бөліммен сотқа талап арыз жолданғандығын хабарлаймыз.