Аида Балаева Атырауға жұмыс сапарымен барды

Атырауға Ақпарат және қоғамдық даму министрі Аида Балаева арнайы жұмыс сапарымен барды. Алдымен облыстық әкімдікте өңір басшылығымен және БАҚ қызметкерлерімен жиын өткізді. Кейін дін өкілдерімен кездесіп, саласында атқарылып жатқан жұмыстарды талқылады.   

Сапар барысында қаладағы зағип жандарға арналған «Мөлдір көз» қоғамдық бірлестігінің жұмысымен де танысты. Сондай-ақ, волонтерлермен де басқосу өткізді. Сын сағатта атыраулықтарға ерікті түрде жәрдемдескен жастар облыста көмекке мұқтаж, әлеуметтік жағынан аз қамтылған отбасылардың тізімі жазылған арнайы база жасақтау қажеттігін айтты.

Аида Балаева, ҚР Ақпарат және қоғамдық даму министрі: 

-Мемлекет басшысы бұл жұмыстың маңыздылығын ескере отырып, әрі қарай осы жұмысты жандандырып, жалғастыруға тапсырма берген болатын. Сондықтан облыс деңгейіндегі көкейтесті мәселелердің барлығын тізіп жазып алдым.

Жандос Темірғали