Түркістандық полицейлер қар құрсауында қалған көліктерді шығаруға көмектесті

Түркістан облысында полицейлер қар құрсауында қалған көлік иелерін құтқарды. Түлкібас аудандық патрульдік полиция инспекторлары Алматы-Термез тасжолында батып қалған жүк көлігін қардан шығарып, жүретін жолына құм сепкен. Жалпы, қыс басталғалы бері өңірдің тәртіп сақшылары көк тайғақта тұрып қалған 12 көлікті шығаруға қолғабыс еткен. Жол жиегінде бұзылып тұрған көліктерді де жақын маңдағы жөндеу орындарына жеткізіп, жанармайы таусылып қалғандарына отын әкеп берген.

Айнұр Ақбаева