«Макинск құс фабрикасының» кезектегі нысандары ашылды

Ақмола облысындағы «Макинск құс фабрикасының» 2-ші кезектегі нысандары ашылды. Салтанатты шараға Премьер-Министр Асқар Мамин қатысты. Бұл елдегі құс етін өндіру және қайта өңдеу саласындағы ең ірі инвестициялық жобаның бірі. Кәсіпорын жылына 60 мың тонна құс етін өндіре алады. Яғни, ішкі нарықтың қажеттілігін 22 пайызға қамтып, импорттың үлесін 33 пайызға дейін қысқартады. Ал, алдағы жылдары елімізде жылына 175 мың тонна өнім шығаратын 12 құс фабрикасы іске қосылады. Осылайша, импорт мәселелесі толық шешілмек.  

Евгений Проскурин, «Макинск құс фабрикасы» ЖШС директоры:  
-Екінші кезектегі нысандардың ашылуымен тағы 500-ден астам жұмыс орыны ашылды. Ал, жалпы қызметкерлер саны қазір 1500-ден асады. Олардың барлығы жергілікті тұрғындар. Яғни, бұл әлеуметтік жағынан да өте пайдалы жоба.

Амангелді Сейітхан