Алматы облысында әлеуметтік нысандар пайдалануға берілді

Алматы облысының Іле ауданында көпбалалы аналар мен жас мамандар баспаналы болды. Боралдай кентінде 130 пәтерлі көпқабатты үйден «7-20-25» және «5-10-20» бағдарламалармен пәтерлер берілді. Тұрғын үй құрылысы келер жылы да жалғасады. Сондай-ақ Өтеген батыр ауылындағы «Қуат» балабақшасы күрделі жөндеуден өтіп, қайта пайдалануға берілді. Ал Ащыбұлақ ауылында үш ауысымды оқыту проблемасы шешілді. Орта мектептің жанынан 300 орындық жапсаржай салынды.