Павлодар облысында кран өртеніп, жұмысшы жарақат алды

Павлодар облысында кран жанып, 57 жастағы әйел жарақат алды. Қазір ол ауруханада жатыр. Оқиға Ақсу ферроқорытпа зауытының темір балқытатын №6 цехында болған. Көпірлі кран жүргізушісі метал құймасын толтыру үшін шөмішті түсірген кезде айналаға от ұшқан. Жалын кранның кабинасын да шарпыған. Еңбек инспекциясы тексеруді бастады.

Асқар Қапанов, облыстың бас еңбек инспекторы:
Ауруханадағы әйел адамның жағдайы қалыпты, бірақ денесінің біраз бөлігі қатты күйген. 3-ші дәрежелі күйікке шалынған жағдайда тексеруді кәсіпорын емес, біздің мекеме жүргізеді. Қазір инспекторымыз сонда. Өндірістегі оқыс жағдайдың орын алуы не себепті болғаны міндетті түрде анықталады.

Болат Аманбаев