Атырауда автобус салонына керует орнатқан жүргізуші жазаланады

Атырауда автобустың салонын екі қатарлы керуетпен жабдықтап, жолаушы тасымалдаған жүргізуші ұсталды. Полицейлер «жылжымалы қонақ үйге» айналған көлікті, қаладан шыға берістегі «Береке» ауылы маңынан тоқтатқан. Автобустың Шымкент қаласына бет алғаны белгілі болды. 28 жатын орында 17 жолаушы бар екен. Тексеру барысында екі автобустың да Оңтүстік Қазақстан облысында тіркелгені анықталды. Енді жүргізушілер заң алдында жауап береді  

Гүлнәзира Мұхтарова, облыстық ПД баспасөз хатшысы:  

-Көлік құралдарын пайдалану қағидасын бұзу. Және 571-баптың 2 бөлігі: жолаушыларды, багажды және жүкті тасымалдау қағидаларын бұзу. Еңбек және демалыс режимін бұзу деректері бойынша хаттамалар толтырылды. Автобус арнайы тұраққа қойылды.  

Жандос Темірғали