Жаңалықтарды Telegram арнамыздан оқыңыз!Еріктілер жылының аяқталуына аз уақыт қалды. Бірақ мұнымен қайырымдылық шаралары бітпейді. Осы бағыттағы жұмыстарды жандандыратын институттарды көбейтіп, сапалы кадр даярлауды қолға алу керек. Баспасөз алаңында еріктілер қауымы осындай ұсыныс айтты. Биыл ерікті болуға ниетті жандар арта түскен. Басым бөлігі жастар. Дегенмен кей адамдар волонтерлікті тегін жұмыс күші деп бағалайды. Бұл дұрыс емес, керісінше оларға құрметті арттыру керек. Қайырымдылық кез келген адамның қолынан келеді. Бай немесе шенеунік болу міндет емес. «Жалпы, ізгілік жасауды ұлттық мәдениетіміздің бір бөлігі деп санаған жөн», - дейді еріктілер қауымы.
Мейірхан Әбдірахманов, «Шұғыла» қоғамдық қорының құрылтайшысы:Генімізде кеңпейілділік, жомарттық бар. Соны қайтадан дамытып жандандыруымыз керек. Бұл жерде мектеп, университет, мешіт қайырымдылықты басқа деңгейге көтеру керек. Әр отбасы баланы кішкентай кезінен үйрету керек.
Раушан Сайлауқызы
