Жаңалықтарды Telegram арнамыздан оқыңыз!Қостанайдың орталық базарында тұтынушыларды таразыдан жегендерді полиция ақыры таба алмады. Естеріңізге сала кетейік, өткен аптада таразы табағына жіп байлап, сол арқылы тауар салмағын көбейтуге болатыны жайлы бейнежазба әлеуметтік желіде тараған еді. Іле жергілікті полиция мен қала әкімдігі бірігіп орталық базарға тексеру жүргізді. Алайда бейнежазбада көрсетілген механикалық таразылардың орнына қазір электронды таразылар қойылған. Бейнебақылау камерасы арқылы да нақты қай саудагердің мұндай әрекетке барғанын анықтау мүмкін болмады. Сондықтан полиция саудагерлер арасында түсіндіру жұмыстарын жүргізіп, ескертумен шектелді.
Дәуренбек Әбдібек
