Павлодарда жылу орталығындағы апатқа тозған құбыр себеп болған

Өткен демалыс күндері жылусыз қалған Павлодар қаласының тұрғындары сол екі күн үшін жылуға ақша төлемейтін болды. Естеріңізге сала кетейік, өткен аптаның жұма күні кешкісін  шаһардың оңтүстік бөлігіне жылу беретін 1-ші орталыққа қарасты құбыр тесіліп, 440 үй және 36 әлеуметтік нысан қарашаның қара суығында жылусыз қалған. Апат орнына облыс әкімі барғаннан кейін ғана дереу шешім қабылданып, бұл нысандар 2-ші және 3-ші электр орталықтарына қосылды. Ал, жөндеу жұмыстары бір тәуліктен кейін аяқталды. Қазір қала жылумен толық қамтылып отыр.   

Әбілқайыр Сқақов, облыс әкімі:      

 -Төтенше жағдайға жауапты құрылымдар тегіс жұмылдырылып, жылу желісі толық жөнделгенше қызмет көрсетті. Негізі жылу маусымы аяқталғанша осындай режимде жұмыс істеу керек. Ақау шыққанға дейін оның алдын-алуды қамтамасыз еткен жөн. Кезекші диспетчерлерініз жұмысты ширатсын.  

Болат Аманбаев