Аягөз ауданындағы 4 баланың өлімі бойынша тергеу жалғасады

Шығыс Қазақстанның Аягөз ауданындағы арнайы әлеуметтік қызмет көрсету орталығындағы 4 баланың ауыр дене жарақатын алу дерегі бойынша бөлек қылмыстық іс қозғалды. Тәрбиеленушілердің өліміне қатысты тергеу барысында эксгумация және екі комиссиялық сот-медициналық сараптамасы жүргізілді. Балалар туа біткен ауру кесірінен қайтыс болды деген қорытынды жасалды. Мәйіттерді тексеру кезінде үш балада дене жарақаттары да анықталған. 

Елдос Закимов, облыстық полиция департаменті бастығының орынбасары: 

-Қазіргі уақытта тергеу басқармасымен аталған дене жарақаттарын алу жағдайын анықтауға бағытталған бойынша қосымша шаралар қабылдануда. Арнайы әлеуметтік көмек көрсету орталығында тәрбиеленушілерге тиісті медициналық көмек көрсетпеу фактісі бойынша қылмыстық іс арнайы прокурорлармен сотқа жолданған.

Берік Көшербай