Жаңалықтарды Telegram арнамыздан оқыңыз!Соңғы күндері мессенджерлерде «Among Us» компьютерлік ойынының қаупі жөнінде аудиохабарлама тарап жүр. Хабарлама авторларының сөзінше, кибер-ойын жеткіншектерді өз-өзіне қол жұмсауға итермелейді. Ақпарат және қоғамдық даму министрлігі тексеріс жүргізіп, әзірге ондай фактілер анықталмағанын айтты. Бірақ зерттеу жұмыстары жалғасады. Сол себепті ата-аналарға балаларының қандай ойын ойнап жүргенін бақылауда ұстауды ескертеді.
Айта кетейік, «Among Us» компьютерлік ойынын 2018 жылы америкалық компания шығарған. Ойынның желісі бойынша, ғарыш кемесінде ойыншылар экипаж бен сатқындар болып екі топқа бөлініп, бірін-бірі іздейді.
