Жаңалықтарды Telegram арнамыздан оқыңыз!Жастардың әлеуметтік жағдайын түзеп, оларға жан-жақты қолдау көрсету керек. Бұл туралы бүгін Алматыда Қазақстан халық партиясы ұйымдастырған басқосуда айтылды. Партия өкілдері мен білім саласындағы сарапшылар жастарға алғашқы жарнасыз ипотекаға баспана беріп, жоғарғы оқу орындарының ақысын азайтуды ұсынды.
Сондай-ақ өзге өңірден келген білімгерлерді жатақханамен толық қамтылу қажеттігі айтылды. Жиында шалғай елдімекендерде жұмыс орындарын көбейтіп, демалыс және спорт нысандарын көптеп салу жайы да қозғалды.
Гүлдана Нұрпейісова, ҚХП Алматы филиалы Мәдени мұра және ардагерлер комиссиясының төрайымы:
Әлеуметтік проблемаларды шешу керек. Мемлекеттің келешегі жастарда. Үлкен үмітпен қараймыз. Ал үлкен үмітпен қарасақ, саяси партиялар, мемлекеттік емес ұйымдар, мемлекеттік органдар осы мәселелерді шешуге атсалысу керек. Күш салу керек деп ойлаймын.
