Еуропа елдерінде карантин жеңілдейді

Франция карантин талаптарын жеңілдетіп жатыр. Ел президенті Эммануаэль Макронның хабарлауынша, қатаң шектеу шаралары өз нәтижелерін берген. Алдағы күндері дүкендер ашылып, желтоқсанның 15-нен ел аумағында еркін жүріп-тұруға рұқсат беріледі. Дегенмен, коменданттық сағат әлі де сақталмақ.

Ұлыбритания Үкіметі де Рождество қарсаңында шектеулерді бәсеңдетеді. Мерекені атап өту үшін бір үйде үш отбасы мүшелеріне жиналуға рұқсат. Айта кетсек, Біріккен Корольдік коронавирустан қайтыс болғандар саны бойынша Еуропада алда келеді.

Ал Италияда соңғы тәулікте инфекциядан 800-ден астам адам қайтыс болды. Бұл – наурыздан бергі ең жоғары көрсеткіш. Жалпы науқастар саны болса 1,5 миллионға жуықтап қалды.

Жансая Қапасқызы