Қыруар қаржы желге ұшқан «ЛРТ»-ның орнына ауылдарды дамыту керек - Берік Дүйсенбинов

Қыруар қаржы желге ұшқан «ЛРТ» жобасын жоспарлаудың орнына ауылдарға спорт залдары мен ойын алаңдарын салсақ ұтар едік. Ал, жүзеге аспай қалған жер үсті метросының құны 2 млрд доллар. Осылай деп мәселе көтерген Мәжілістегі «Ақ жол» фракциясының депутаттары қала маңындағы ірі елді мекендерді дамыту бойынша Үкіметке сауал жолдады. Олар Ақмола облысындағы шаңғы трамплинін де мысалға келтірді. Шортанды қаласындағы нысанның құны 30 млрд теңге. Ол қазір қаңырап тұр. Өткен жылы 5 жүз мыңнан аса азамат ел ішінде қоныс аударған. Нәтижесінде жаңа ауылдар пайда болып жатыр. Ішкі миграцияның өсуімен қатар көптеген әлеуметтік мәселелер туындады.

Берік Дүйсенбинов, ҚР Парламенті Мәжілісінің депутаты:

-Біздің ойымызша, қала маңындағы, ауылдардан келген жастарға қымбат, құны млрд-тан асатын салтанатты спорт сарайлары емес, қолжетімді, тегін істейтін спортзалдар, мектептердің мүмкіндіктерін пайдалануға жол ашуымыз керек.

Нысаналы Ығыл