Жаңалықтарды Telegram арнамыздан оқыңыз!Еуропа елдерінде коронавирус жұқтырғандар үшін госпитальдерде орын жетпей жатыр. Сонымен қатар, дәрігерлер де аздық етіп отыр.
Мәселен, Францияның жан сақтау бөлімдері 92 жарым пайызға толса, Италияда «ковид» диагнозы қойылған пациенттерді орналастыру үшін жедел жәрдем машиналары ауруханалардың жанында ұзын-сонар кезекте тұруға мәжбүр. Осындай жағдайға тап болған Бельгия мен Нидерланды қауіпті вирусқа шалдыққан науқастарын Германияға жөнелтіп жатыр. Бірақ, неміс дәрігерлері де емдеу мекемелерінде орын тез азайып жатқанына шағымдана бастады.
Айта кетсек, қазір коронавирус жұқтыру оқиғалары Испания, Ұлыбритания, Чех Республикасы, Польша, Португалияда да күрт көбейіп, медицина жүйесіне үлкен салмақ түсіріп отыр.
Арыстан Рысбек
