Жаңалықтарды Telegram арнамыздан оқыңыз!Павлодар облысында биыл бюджет қаржысын игеру, мемлекеттік сатып алу, тендер өткізу кезінде қоғамдық бақылау орнатудың кешендік жоспары әзірленді. Осылайша сыбайлас жемқорлықпен күресте қоғам болып жұмылудың жүйесі жасалып жатыр.
Аймаққа ресми сапармен келген Сыбайлас жемқорлыққа қарсы іс-қимыл жөніндегі агенттік төрағасы Алик Шпекбаев шағын қала Екібастұз бен Ақсуда болып, облыс орталығындағы әлеуметтік қызмет көрсету нысандарына барды. Павлодардағы Халыққа қызмет көрсету орталығының жұмысына оң баға берілді.
Алик Шпекбаев, ҚР Сыбайлас жемқорлыққа қарсы іс-қимыл жөніндегі агенттігінің төрағасы:Саяси модернизация сыбайлас жемқорлықтың пайда болу себептерін болдырмаумен тікелей байланысты. Бұған Елбасы, Президент, мемлекеттік басқару органдары, жергілікті әкімдер тегіс жұмыс жасап жатыр. Соның бір бағыты - бизнесті қорғау. Салық дер кезінде төленсе, экономика дамыса, тұрмыс жақсарады. Осы тұрғыда Павлодарда игі өзгерістер бар екен. Біраз нысандарды араладық, нақты нәтижелерге көзіміз жетті.
Болат Аманбаев
