Qnet компаниясына қатысты 29 қылмыстық іс қозғалған

200-ден астам адам Qnet компаниясынан зардап шегуші ретінде полицияға арызданды. Ішкі істер министрлігі тергеу департаментінің басшысы Санжар Әділов осылай деді. Қазір тергеп-тексеру амалдары жүргізіліп жатыр. Компанияға қатысты 29 қылмыстық іс қозғалған. Кей іс бойынша халықаралық іздеу шаралары да жүргізіліп жатыр.

Санжар Әділов, ҚР ІІМ Тергеу департаментінің басшысы:

- 220 адам зардап шегуші ретінде танылды. Оларға 160 миллион теңге шамасында материалдық зардап келтірілген. Қазір жедел іздестіру, тергеу амалдары жүргізіліп жатыр. Компанияның бас кеңсесі орналасқан Малайзия корольдігіне де қылмыстық іс бойынша тапсырыс жібердік.

Оңғар Алпысбайұлы