Президент: Мемлекеттік қызметшінің қос азаматтығы анықталған жағдайда қызметінен босатылады

Мемлекеттік қызметшінің немесе квазимемлекеттік мекеме басшысының қос азаматтығы анықталған жағдайда олар қызметінен босатылады.

Бұл туралы Мемлекет басшысы Қасым-Жомарт Тоқаев өз Жолдауында айтты.

«Мемлекеттік қызметшінің немесе квазимемлекеттік мекеме басшысының қос азаматтығы анықталған жағдайда олар қызметінен босатылады. Құқық қорғау органдары қызметкерлерінің, судьялардың, пара берушілердің және парақорлыққа делдал болғандардың сыбайлас жемқорлығы үшін жазаны қатайту тұрғысынан қылмыстық кодекске өзгерістер енгізу керек», - деді Мемлекет басшысы.