«Ақ жол» партиясы фракциясының депутаттары Қояндыға барды

Елорданың іргесіндегі ауылдарда өзекті мәселелер көп. Алдымен партияның бастамасымен бой көтерген жаңа мектепке соқты. Өйткені осыған дейін 3000-ға жуық оқушы 900 орындық жалғыз білім ордасына сыймай келген. Таяуда екінші мектеп ашылады. Енді ауылда ауызсу мен жол мәселесін шешу керек. Мәселен, жалпы ұзындығы 154 шақырым болатын көшелердің 12 шақырымында ғана асфальт бар. Қалған жолдар жаңбыр жауса ми батпаққа айналады. Ал, ауыз сумен үйлердің 40 пайызы ғана қамтылған.