Коронавирус жұқтырудың тәуліктік өсімі 0,5%-ға төмендеді

Қазақстанда карантин шаралары енгізілгеннен бастап, Коронавирус жұқтырудың тәуліктік өсімі 0,5%-ға төмендеді. Бұл туралы ҚР Бас мемлекеттік санитар дәрігері Айжан Есмағамбетова мәлімдеді.

Бас мемлекеттік санитар соңғы тәулікте ел бойынша COVID-19 инфекциясымен 476 адам тіркеліп, коронавирус жұқтырғандардың жалпы саны 101 848 науқасқа жеткенін айтты.

«Қазіргі кезде коронавирус инфекциясы бойынша эпидемиологиялық жағдайдың тұрақтану үрдісі байқалуда. Қатаң шектеу шаралары енгізілгеннен бастап сыртқаттанушылықтың тәуліктік өсімі 0,5 пайызға дейін төмендеді. Науқастардың жалпы санының 77 пайыздан астамы емделіп, күнделікті өмірге оралды», - деді ҚР Бас мемлекеттік санитар дәрігері.