Жүкті әйелдің ми тамырына операция жасалды

Түркістандық дәрігерлер ми тамыры зақымдалған жүкті әйелді аман алып қалды. 36 жастағы келіншек облыстық клиникалық ауруханасына ишемиялық инсульт диагнозымен түскен. Жас ана мен құрсақтағы балаға қауіп төніп тұрған соң оған шұғыл түрде операция жасалды.

Нейрохирург-дәрігер Әсет Қыдыров 2 сағат бойы оның өмірі үшін арпалысып, науқасты ғана емес, ішіндегі шарананы да сақтап қалды. Қазір Айжан Сүлейменованың жағдайы жақсы, дәрігерлерге алғыстан басқа айтары жоқ.

Айжан Сүлейменова, Түркістан қаласының тұрғыны

«Қол-аяғым істемей, өте ауыр халге түсіп қалдым. Тілім күрмеліп сөйлей алмай келгем. Қазір бәрі жақсы, сөйлеп жатырмын. Дәрігерлерге шексіз алғысымды білдіремін»

Гүлжазира Ғали