Маска тағудан бас тартқан жолаушы ұшақтан түсірілді

Атырауда маска тағудан бас тартып, карантин ережесін орындамағын жолаушы ұшақ бортынан шығарылды. Тәртіп бұзған Ақтөбе қаласының 60 жастағы тұрғыны. Ол экипаж мүшесі мен командирдің талабын орындамаған. Кейін, әуекомпания өкілі, әуежайдағы полиция бөліміне хабарласып, Атырау-Ақтау рейсінде тәртіпбұзушы бар екенін айтып, шағым түсіреді. Осылайша, бетпердеге қарсылық білдірген азаматтың үстінен әкімшілік іс қозғалып, 8 АЕК көлемінде айыппұл салынды. Арнайы сараптама оның мас екенін көрсеткен.