5 айда отандық машина жасау саласындағы өндіріс көлемі 18,5 пайызға артқан

Биылғы 5 айда отандық машина жасау саласындағы өндіріс көлемі өткен жылғы осы кезеңмен салыстырғанда 18,5 пайызға артқан. Бұл туралы Индустрия және инфрақұрылымдық даму министрі Бейбіт Атамқұлов айтты.

Оның сөзінше, қазір Қазақстанда ірілі-ұсақты 3 мыңға жуық кәсіпорын бар. Онда 65 мыңнан астам адам жұмыс істейді. Биылғы экономикалық қиындыққа қарамастан, өндіріс 535 миллиард теңгені құраған. Ал, Асқар Мамин осындай жетістіктер бола тұра елдегі ауыл шаруашылығы техникасының 70 пайызы тозғанын, пайдалану мерзімі өтіп кеткенін атап өтті. Сондықтан, машина жасаумен айналысатын зауыттарға қолдауды күшейтіп, 1 шілдеге дейін «Өнеркәсіпті дамыту қорын» құруды тапсырды. Өйткені, машина жасау – елдегі өңдеу өнеркәсібінің негізгі драйвері.