Түркістан облысында суицидтік топтың «кураторы» ұсталды

Ол Арыс қаласының тұрғыны болып шықты. Қаныпезер әлеуметтік желі арқылы жасөспірімдерді өлімге итермелеп отырған. Өз-өзіне қол жұмсауды насихаттаған. Күдіктіні Ішкі істер министрлігінің киберқылмысқа қарсы іс-қимыл орталығы мен Түркістан облыстық Полиция департаментінің арнайы жедел-тергеу тобы қолға түсірді. Тінту кезінде одан ноутбук, ұялы телефон, 3 қорап сим-карта, басқа да айғақ заттар алынды. Телефоннан суицидке бағытталған телеграм арналар табылды. Ішкі істер министрлігі ата-аналарды балалардың виртуалды өміріне бақылауды күшейтуге шақырады.