Жаңалықтарды Telegram арнамыздан оқыңыз!Ақтөбедегі хром қосындылары зауытының 5 жұмысшысының өліміне кінәлілер анықталды. Арнайы құрылған комиссия бүгін өз қорытындысын жария етті.
Онда қайғылы оқиғаға зауыт басшылығының кінәсі 80 пайыз деп көрсетілген. Бұл жағдайға байланысты соңғы шешімді сот шығарады. Естеріңізге салсақ, 28 мамыр күні хром қосындылары зауытында ішінде гидроксилі бар 50 текше метрлік бөшкені тазалау кезінде 6 жұмысшы зардап шеккен еді. Төртеуі оқиға орнында, біреуі кейін ауруханада қаза тапты. Олар ыстық буға күйіп қалған. Аман қалған қызметкер ауруханада ем алып жатыр.
Жақсыбек КЕМАЛ
